Deputy Commissioner Jhal Magsi Syed Rehmatullah Shah ka Gandawah Higher Secondary School ka daura, VTC imtihanaat ka jaiza

Gandawah: Deputy Commissioner Jhal Magsi Syed Rehmatullah Shah ne Government Boys Higher Secondary School Gandawah ka daura kiya, jahan unhon ne VTC ke tehat jari imtihanaat aur school ki taleemi sargarmiyon ka tafseeli jaiza liya.

Daure ke dauran Deputy Commissioner ne mukhtalif class rooms aur imtihani markaz ka muaina kiya aur talba se sawalaat pooch kar un ki taleemi istedad aur tadreesi amal ka jaiza liya. Unhon ne asatiza ki hazri bhi check ki aur school ke taleemi o intizami umoor ka jaiza liya.

Deputy Commissioner ne majmui intizamaat par itminan ka izhar karte hue asatiza par zor diya ke woh talba ki taleem o tarbiyat par khusoosi tawajjoh dein aur apni zimmedariyan ahsan andaz mein ada karein. Unhon ne kaha ke talba ki behtar taleem o tarbiyat aur miyari taleemi mahol ki faraahmi zilai intizamia ki tarjeehaat mein shamil hai.

Tasveer: Bashukriya DGPR Balochistan