Commissioner Makuran Dr Tufail Ahmed Baloch se Niaz Kiazai aur Waris Dashti ki Turbat mein mulaqat, mansab sambhalne par mubarakbad

Turbat: Maroof siyasi shakhsiyat aur chairman Niaz Kiazai aur Waris Dashti ne peer ke roz Commissioner Office Turbat mein Commissioner Makuran Division Dr Tufail Ahmed Baloch se mulaqat ki aur unhein Commissioner Makuran Division ka mansab sambhalne par mubarakbad pesh ki.

Is mauqe par Deputy Commissioner Kech Yasir Iqbal Dashti aur engineer Balochistan Development Authority Ahmed Baloch bhi maujood the.

Mulaqat mein bahmi dilchaspi ke umoor, zila Kech samet Makuran Division ki majmui soorat-e-haal aur deegar aham muamlaat par tafseeli tabadla-e-khayal kiya gaya, jabke ilaqe ki taraqqi, awami masail aur bahmi taawun se mutaalliq umoor bhi zer-e-ghaur aaye.

Tasveer: Bashukriya DGPR Balochistan