Chief Minister Sarfraz Bugti ka ghair miyari aate par notice, Quetta mein karrawaiyan; 24 afraad girftar aur 4 dukanein seal
Quetta: Social Media par ghair miyari aate ki farokht se mutaalliq samne aane wali khabar par Chief Minister Balochistan Mir Sarfraz Bugti ne sakht notice lete hue mutaalliqa hukkam ko ghair miyari aate ke khilaf muassir karrawai ki hidayat jari kin.
Chief Minister ke ahkamat aur Deputy Commissioner Quetta Meharullah Badini ki hidayat ki roshni mein Zila Intizamia Quetta aur Balochistan Food Authority ki mushtarka teamon ne shehr ke mukhtalif ilaqon mein ghair miyari gandum se tayyar karda aata farokht karne walon ke khilaf bharpoor karrawaiyan kin. Is dauran 24 afraad ko girftar karke jail muntaqil kiya gaya, 4 dukanein seal kar di gayin aur mutaaddid dukandaron ko sakht warning jari ki gayi.
Karrawaiyan Sariab Road, Kwari Road, Kandhari Bazaar, Masjid Road, city ke mukhtalif departmental stores, Airport Road, Alamo Chowk, Nawan Killi, Bhosa Mandi aur Sirki Road samet mukhtalif ilaqon mein ki gayin, jin ki nigrani Assistant Commissioner (Sadar) Muhammad Yousuf Hashmi, Assistant Commissioner (City) Muhammad Amir Hamza aur Assistant Commissioner (Sariab) Captain (r) Kabir Mazari ne Food Authority ki teamon ke hamrah ki.
Deputy Commissioner Quetta Meharullah Badini ne wazeh kiya ke shehriyon ko miyari aur mehfooz ashya-e-khurdonosh ki farahmi yaqeeni banane ke liye ghair miyari aata farokht karne walon ke khilaf karrawaiyan bila imtiyaz jari rahengi.
Tasveer: bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
