Chaman: QESCO ki police ke taawun se recovery muhim, nadehandgan se 2 lakh 55 hazar rupay wasool

Chaman: QESCO Chaman ki janib se bijli ke wajibat ki barwaqt wasooli aur sarifeen ko adaigiyon ke hawale se aagahi faraham karne ki jaari koshishon ke silsile mein aaj police ke taawun se recovery muhim chalayi gayi, jis ke dauran bade nadehandgan se taqriban 2 lakh 55 hazar rupay ke wajibat wasool kiye gaye.

QESCO hukkam ne bijli sarifeen se apeel ki ke woh apne bill muqarrara waqt par jama karwayen aur bijli ke ghair zaroori istemal aur bijli chori se ijtinab karte hue bijli ke nizam ko behtar banane mein musbat kirdar ada karen.

Hukkam ne zor diya ke wajibat ki barwaqt adaigi aur bijli ke zimmedaranah istemal se faraahmi ke nizam ko behtar banane aur load shedding mein kami lane ki koshishon mein madad mil sakti hai.

QESCO Chaman ki janib se wajibat ki wasooli aur bijli chori ki rok tham ke liye aagahi aur recovery muhim jaari rahegi. Sarifeen se taawun ki apeel ki gayi hai, taake bahami ishtirak aur zimmedari ke ehsas ke zariye bijli ki behtar faraahmi aur awami sahuliyat mein behtari ke liye moassir iqdamat kiye ja saken.

Tasweer: bashukriya DGPR Balochistan