Bakhtiarabad mein 12 Rabi ul Awwal ka julus Ghousia Masjid se baramad, sainkron ashiqan-e-rasool (SAW) ki shirkat

Bakhtiarabad: 12 Rabi ul Awwal ke babarkat mauqe par Bakhtiarabad mein ashiqan-e-rasool (SAW) ki janib se mazhabi julus nikala gaya. Julus Ghousia Masjid se baramad hua aur mukhtalif shahraahon se hota hua Al Makkah Petrol Pump par pahunch kar ikhtitam-pazir hua. Julus mein sainkron ashiqan-e-rasool (SAW) ne shirkat ki.

Is mauqe par muqarrirrin ne apne khitab mein Huzoor Akram (SAW) ki seerat-e-tayyaba aur aap (SAW) ki taleemat par roshni dali.

Zilai intizamia ki janib se julus ke route par foolproof security intizamat kiye gaye. Police aur deegar mutaliqa idaron ke ahlkar security farayez anjam dete rahe, jabke julus ki nigrani aur shurka ke tahaffuz ke liye khusoosi iqdamat yaqeeni banaye gaye.

Tasveer: Bashukriya DGPR Balochistan