Assistant Commissioner Thal Chotiali Abdul Salam Shahwani ka DHQ Hospital Duki ka daura

Duki: Deputy Commissioner Duki Fazal ur Rehman Kabdani ki hidayat par Assistant Commissioner Thal Chotiali Abdul Salam Shahwani ne District Headquarter Hospital Duki ka tafseeli daura kiya aur mukhtalif shobon ka muaina karte hue tibbi o intizami sahuliyat ka jaiza liya.

Assistant Commissioner ne mulazimeen ki hazri, safai suthrai, intizami umoor aur mareezon ko faraham ki jane wali sahuliyat ka jaiza liya. Unhon ne zer-e-ilaj mareezon se mulaqat kar ke un ki khairiyat daryaft ki aur dastiyab tibbi sahuliyat aur adwiyat ke bare mein malumat hasil kin.

Unhon ne hospital intizamia ko safai ka miyar behtar banane, amle ki barwaqt hazri yaqeeni banane aur mareezon ko behtar aur barwaqt tibbi sahuliyat faraham karne ki hidayat ki. Un ka kehna tha ke awam ko Sehat ki bunyadi sahuliyat aur mareezon ko behtar mahaul ki farahmi intizamia ki awwaleen tarjihat mein shamil hai aur nigrani ka amal jari rakha jaye ga.

Tasveer: Bashukriya DGPR Balochistan