Assistant Commissioner Ormara Dr Mah Noor Barkat ka Rural Health Centre ka daura, tibbi sahuliyat ka jaiza

Ormara: Soobai hukumat ki sehat-e-aamma aur awami falah o behbood ki policy ke tahat bunyadi marakiz-e-sehat mein awam ko miyari aur ba-waqt tibbi sahuliyat ki faraahmi yaqeeni banane ke liye Assistant Commissioner Ormara Dr Mah Noor Barkat ne Rural Health Centre (RHC) Ormara ka daura kiya.

Unhon ne tibbi o moawin amle ki hazri, adwiyat ki dastyabi, solar system, markaz-e-sehat mein di jane wali tibbi sahuliyat aur majmooi haalat ka jaiza liya, jabke marammat o tazeen o araish se mutalliqa zaruriyat bhi dekhin.

Un ka kehna tha ke awam ko sehat ki bunyadi sahuliyat un ki dehleez par faraham karna hukumat ki aham tarjihat mein shamil hai. Unhon ne mutalliqa hukkam par zor diya ke RHC mein dastyab sahuliyat ko moasir andaz mein burue kaar late hue awam ko behtar tibbi khidmat faraham ki jaayen aur zaroori marammat o bahali ke umoor tarjihi bunyadon par hal kiye jaayen.

Tasveer: Bashukriya DG PR Balochistan