Assistant Commissioner Ormara Dr Mah Noor Barkat ka Punjgur ke schoolon aur water supply nizam ka daura

Ormara: Assistant Commissioner Dr Mah Noor Barkat ne hukumat-e-Balochistan ki Taleem dost policy, miyaari Taleem ke farogh aur awam ko buniyadi sahuliyat ki faraahmi ke iqdamat ke tehat Punjgur ka daura kiya, jahan unhon ne Government Girls Middle School, Government Boys Middle School, Public Health Engineering daftar aur multaqa water supply ka muaina kiya.

Unhon ne dono schoolon mein tadrisi o intizami umoor, dastiyab taleemi sahuliyat, talba o talibaat ki hazri aur tadrisi intizamat ka jaiza liya, jabke Public Health Engineering daftar aur water supply nizam mein pani ki faraahmi, zakhira aur taqseem ke intizamat dekhe.

Assistant Commissioner ne mutaalliqa hukkam ko taleemi idaron mein sahuliyat ki behtari, mehfooz o sazgar taleemi mahol ke farogh aur awam ko peene ke saaf pani ki muassir aur bilataatul faraahmi yaqeeni banane ke liye zaroori iqdamat ki hidayat ki.

Tasveer: Bashukriya DGPR Balochistan