Assistant Commissioner Gwadar Romail Naeem Jan ka Girls Higher Secondary School Sarbandan ka daura, tadrisi amal ka jaiza

Sarbandan: Soobai hukumat ki Taleem dost policy ke tehat Assistant Commissioner Gwadar Romail Naeem Jan ne Government Girls Higher Secondary School Sarbandan ka daura kiya, jahan unhon ne school ke mukhtalif shobon ka muaina kiya, talba o asatiza ki hazri check ki aur tadrisi amal ka jaiza liya.

Is mauqe par zilai officer education female Zara Hatoon ne school ke intizami umoor, taleemi sargarmiyon aur tadrisi amal par Assistant Commissioner ko tafseeli briefing di.

Assistant Commissioner ne mukhtalif class rooms ka daura karke talibaat se taleemi sawalat kiye aur un ki taleemi istedad ka jaiza liya. Durust jawabat dene wali talibaat ki hausla afzai karte hue unhon ne kaha ke miyari Taleem, baqaida hazri aur sazgar taleemi mahaul soobai hukumat ki tarjihaat mein shamil hain.

Unhon ne school intizamia aur tadrisi amle par zor diya ke talibaat ki behtar Taleem o tarbiyat, hazri mein behtri aur taleemi miyar ke faroogh ke liye apni zimmedariyan mazeed moassir andaz mein anjam dein.

Tasveer: Bashukriya DGPR Balochistan