WhatsApp accounts ko mazeed mehfooz banane ke liye nayi hifazati sahuliyat muta’arif
WhatsApp ne sarifeen ke accounts ko mazeed mehfooz banane ke liye nayi hifazati sahuliyat aur taza tabdiliyan muta’arif karane ka elan kiya hai, jin mein account security ko behtar banana aur login ke amal ko mazeed mehfooz banana shamil hai.
WhatsApp ki 2 marhala tasdeeq pehle hi 6 hindson par mushtamil khufiya code ke zariye account ko izafi tahaffuz faraham karti hai. Is nizam ke tehat agar kisi hamla aavar ko sarif ka arzi tasdeeqi code bhi hasil ho jaye to bhi account tak rasai ke liye izafi hifazati marhala darkar hota hai.
Taham sarifeen ko 6 hindson ke khufiya code ke bajaye huroof, adaad aur khusoosi alamat par mushtamil zyada mazboot password rakhne ki sahulat dastiyab nahin.
Nayi hifazati sahuliyat mein passkeys bhi aham kirdar ada karengi. Is tareeqe ke zariye sarifeen ko naam aur password ke rivayati imtizaj par kam inhisar karna parega, jo dhoka dehi ke zariye chori kiye ja sakte hain.
Passkeys ke zariye login hone se kisi doosre shakhs ke liye door se sarif ke account tak rasai hasil karna mazeed mushkil ho jayega.
Android sarifeen ko ab aise afraad ki call mausool hone par mazeed maloomat bhi dikhai jayengi jo un ki rabita fehrist mein shamil nahin. Misal ke taur par sarif ko yeh maloom ho sakega ke call karne wala number kisi doosre mulk se hai ya nahin.
Is ke ilawa iPhone aur Android dono sarifeen passkeys ke zariye apne accounts ko dhoka dehi se bachane ke liye mazeed mazboot hifazati nizam istemal kar sakenge.
WhatsApp ki janib se muta’arif karayi jane wali yeh tabdiliyan sarifeen ke accounts ko ghair mujaz rasai, jaal saazi aur deegar online khatraat se mehfooz rakhne mein madadgar sabit ho sakti hain.
Mazeed parhen: Technology
OpenAI ka insan numa robots tayyar karne ka mansooba, robot ka dimaagh banana bara challenge: Sam Altman
SECP mein cyber security ke liye jadeed Security Operations Center qaim, chairman NADRA ne iftitah kiya
China ke taawun se 12.9 million dollar ka jughrafiyai paimaishi nizam, aalaat ki nawin khep par duty chhoot zer-e-ghaur
Food Panda ka delivery riders ki hifazat ke liye telematics par mabni hifazati nizam mutaarif karane ka elaan
China ke satellite internet ka Arctic, Antarctica aur Qinghai Tibet satah-e-murtafa mein kamyab tajurba
Scientists ne sabz rang ka munfarid sitara daryaft kar liya, Warwick University ki tehqeeq
Elon Musk ka agle saal America ke har bachche ko SpaceX ka hissa dene ka elan
Japan Mars ke chaand Phobos se namoone laane ka mission rawana karne ko tayyar
Chand sikar raha hai, satah par 10 hazar se zaid nai dararen, tehqeeq mein zalzalon ka khadsha
Elon Musk ki peshgoi: Tesla Roadster mustaqbil mein Grand Canyon ya Snake River ke upar urti dekhi ja sakti hai
TikTok ne Elon Musk par dastawezi film ka ishtiharati account mustaqil muattal kar diya
