Wafaqi wazir-e-dakhila Mohsin Naqvi ka Jinnah International Airport ka daura

Wazir-e-dakhila beroon-e-mulk jane wale musafiron se mile aur un se immigration ke tareeqa-e-kar aur dastiyab sahuliyat ke baare mein daryaft kiya, unhon ne baaz musafiron ki safari dastavezat bhi check keen aur FIA hukkam se un ki tasdeeq karai.

Mohsin Naqvi ne immigration team ke intezamat par itminan aur khushi ka izhar karte hue kaha ke counters par izafi amla taynat karne se musafiron ki taweel qataren khatam ho gayi hain.

Wafaqi wazir-e-dakhila ne airport immigration ke deputy director Shahzad Akbar ki karkardagi ko bhi khusoosi taur par saraha.

Mohsin Naqvi ne hidayat ki ke musafiron ko immigration ke dauran har mumkin sahulat faraham ki jaye, taham namukammal ya ghair tasdeeq shuda safari dastavezat ke hamil musafiron ko hargiz safar ki ijazat na di