Pak China tijarat, sarmaya kari aur karobari taawun ke farogh mein aham pesh rafat

China ke shehar Guangzhou mein panchwein Pakistan Investment and Business Environment Exchange Forum 2026 ka inaqad hua, jis mein Pakistan aur China ke darmiyan dutarfa tijarat, sarmaya kari aur iqtisadi taawun ke naye mawaqe par tabadla-e-khayal kiya gaya.

Is mauqe par policy mazakrat, sarmaya kari projects ki peshkash, sanati muahidon, B2B mulaqaton aur masnuaat ki numaish ka ehtimam bhi kiya gaya. Forum mein electric gariyon, battery manufacturing, tameerati saman, furniture, pine nuts aur medical o business tourism ke shobon mein 5 mufahimati yaad dashton par dastakhat kiye gaye.

Forum mein Pakistan aur China ke darmiyan safarti talluqat ke 75 saal mukammal hone ke mauqe par iqtisadi taawun ko mazeed mazboot banane ke azm ka bhi aadaa kiya gaya aur CPEC ke tehat sanati aur infrastructure taawun ko mazeed wusat dene ke imkanat bhi forum mein ujagar kiye gaye.

Forum mein tawanai, e-commerce, tameerati saman, furniture aur food processing samet mukhtalif shobon mein sarmaya kari ke mawaqe pesh kiye gaye.

Pakistan aur China ke darmiyan barhte tijarati rawabit, nayi sarmaya kari aur karobari shirakat dariyan donon mumalik ke iqtisadi taawun ko nayi jihat de rahi hain.