Mohsin Naqvi ki sarbarah Pasdaran-e-Inqilab se mulaqat, Mashriq-e-Wusta ki soorat-e-haal par guftagu

Tarjuman Wazarat-e-Dakhila ke mutabiq Mohsin Naqvi sarkari daure par Tehran mein mojood hain, jahan unki Irani qayadat aur security hukkam se mulaqaton ka silsila jari hai.

Tarjuman ke mutabiq mulaqat mein Mohsin Naqvi aur General Ahmad Vahidi ne Mashriq-e-Wusta ki soorat-e-haal samet bahami dilchaspi ke umoor par guftagu ki.

Is se qabl wafaqi wazir-e-dakhila ne apne Irani hum mansab Iskandar Momeni se bhi tafseeli mulaqat ki, jis mein do tarfa taluqat, mukhtalif shobon mein taawun aur khitte ki mujmui soorat-e-haal par ghaur kiya gaya.