Iqrar ul Hasan adalati remand par jail muntaqil, NCCIA se 14 roz mein challan talab

Karachi: Judicial magistrate sharqi ne Awam Raaj Party ke sarbarah aur sabiq TV anchor Iqrar ul Hasan ko riyasat mukhalif mawad Social Media par post karne ke muqadme mein adalati remand par jail bhej diya.

Judicial magistrate Gulraiz Memon ki court mein cyber crime hukkam ne mulzim Iqrar ul Hasan ko pesh kiya.

Court ne unhein adalati remand par jail bhejne ka hukm dete hue qaumi cyber jaraim tehqiqati idare (NCCIA) se 14 roz mein muqadme ka challan talab kar liya.

Dauran-e-sama’at wakeel-e-safai ne Iqrar ul Hasan ki darkhwast-e-zamanat bhi daer kar di.