Hum par tanqeed karein ya tareef, media azad hai; Chief Justice Islamabad High Court

Islamabad High Court mein media center ki iftitahi taqreeb munaqid hui, jis mein Chief Justice Sardar Muhammad Sarfraz Dogar aur deegar judges ne High Court media center ka iftitah kiya.

Taqreeb mein Justice Muhammad Azam Khan aur Justice Raja Inaam Amin Minhas bhi shareek hue.

Chief Justice Sardar Muhammad Sarfraz Dogar ne media ke doston ko mubarakbad pesh karte hue kaha ke azad media ke liye aaj High Court media center ka iftitah kar rahe hain, beshak hum par tanqeed karein ya tareef karein, aap azad hain.

Iftitahi taqreeb mein Prosecutor General Manzoor Ahmed Jajja aur Additional Attorney General Rashid Hafeez bhi shareek hue, is mauqe par Registrar Yar Muhammad Walana, Additional Registrar Noor Muhammad Mirza aur Deputy Registrar bhi mojood the.

Media center ki iftitahi taqreeb mein sadr High Court Bar Wajid Gilani aur General Secretary Barrister Qasim Nawaz Abbasi ne bhi shirkat ki, taqreeb mein law officers aur Islamabad High Court Journalists Association ke court reporters bhi shareek hue.