Gwadar mein medical board ka ijlas: 46 mein se 40 khusoosi afraad ko maazoori certificate jari karne ki sifarish
Gwadar: Hukumat-e-Balochistan ki khusoosi afraad ki falah o behbood, samaji tahaffuz aur unhein muashre ke markazi dhare mein shamil karne ki policy ke tahat Medical Social Services Centre, Mir Abdul Ghafoor Kalmati Teaching Hospital Gwadar mein afraad-e-baham maazoori ki registration aur maazoori certificates ke ijra ke liye medical board ka ijlas munaqid hua.
Ijlas ki sadarat Medical Superintendent District Headquarter Hospital Gwadar Dr Hafeez ur Rehman ne ki, jis mein Deputy District Education Officer Gwadar Wajah Muhammad Hassan, Medical Expert Dr Sana Abid Sohrabi, Deputy District Health Officer Dr Farooq, Social Welfare Officer Medical Social Services Centre Obaidullah samet mahkama Social Welfare ke mutaliqa afsaran o ahlkaron ne shirkat ki.
Medical board ne khusoosi afraad ki registration ke liye mausool darkhwaston aur mutaliqa tibbi cases ka tafseeli tibbi o qanooni jaiza liya. Mujmui taur par 46 darkhwaston ka jaiza liya gaya, jin mein se 40 darkhwast guzaron ko tibbi muaayne aur muqarrara miyar par pura utarne ki bunyad par maazoori certificate jari karne ki sifarish ki gayi, jabke 2 darkhwastein muqarrara tibbi miyar par pura na utarne ke baais mustarad kar di gayin. Mazeed 4 darkhwast guzar board ke samne pesh na ho sake jin ke cases ka faisla aainda peshi ke baad kiya jaye ga.
Medical board ke arkan ne kaha ke khusoosi afraad ki registration aur maazoori certificates ke ijra ka amal shaffaf, munsifana, merit aur muqarrara tibbi miyar ke mutabiq jari rakha jaye ga taake haqiqi mustahiq afraad ko un ke huqooq aur hukumat ki falahi, samaji tahaffuz aur deegar muawin sahuliyat tak rasai yaqeeni banai ja sake.
Tasveer: Bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
