Deputy Commissioner Khuzdar Abdul Razzaq Sasoli ka Girls Degree College ka achanak daura, hazri aur tadrisi amal ka jaiza

Khuzdar: Soobai hukumat ki Taleem dost policy ke tahat Deputy Commissioner Khuzdar Abdul Razzaq Sasoli ne Government Girls Degree College Khuzdar ka achanak daura kiya, jahan unhon ne mukhtalif shobajat ka muaina kiya, talibat aur asatiza ki hazri check ki aur tadrisi amal ka jaiza liya.

College ki principal ne intizami umoor, taleemi sargarmiyon aur tadrisi amal par Deputy Commissioner ko tafseeli briefing di. Deputy Commissioner ne mukhtalif class rooms mein ja kar talibat se taleemi sawalat kiye aur durust jawab dene wali talibat ki hausla afzai ki.

Unhon ne kaha ke miyari Taleem, baqaida hazri aur sazgar taleemi mahol soobai hukumat ki tarjihat mein shamil hain, aur college intizamia o tadrisi amle par zor diya ke talibat ki behtar Taleem o tarbiyat, hazri mein behtari aur taleemi miyar ke farogh ke liye apni zimmedariyan mazeed moassir andaz mein anjam dein.

Tasveer: Bashukriya DGPR Balochistan