Ziarat: Ziarat Development Project ke tahat sadkon ki tameer o marammat ka kaam jari

Ziarat: Wazir-e-aala Balochistan Mir Sarfraz Bugti ki hidayat ke mutabiq Ziarat Development Project ke tahat zila Ziarat mein sadkon ki tameer o marammat ka kaam jari hai. Mansube ka maqsad ilaqe mein bunyadi infrastructure ko behtar banana, aamad-o-raft ki sahuliyat ko mazeed mouassir banana aur awam ko behtar safari sahuliyat faraham karna hai.

Sadkon ki tameer o marammat se muqami abadi ko aamad-o-raft mein darpesh mushkilat mein kami laane, mukhtalif ilaqon ke darmiyan rabton ko behtar banane aur ilaqe ki taraqqiyati zarooriyat poori karne mein madad milegi.

Ziarat Development Project ke tahat jari taraqqiyati mansubon ki takmeel se ilaqe mein bunyadi sahuliyat ki behtari aur tameer o taraqqi ke amal ko mazeed farogh milne ki tawaqqo hai.

Tasveer: Bashukriya DGPR Balochistan