Uruguay ke Football match mein pehli bar digital yellow card ka istemal, screen ke rang wazeh na ho sake
Zurich: International media ki report ke mutabiq Uruguay mein ek referee ne rawayati peele aur surkh cards ke bajaye smartphone jaisi electronic device istemal ki.
Report ke mutabiq yeh tajurba Copa Uruguay ke ek match mein kiya gaya. 15 October ko Nacional aur Rentistas ke darmiyan khele gaye match mein ek khilari ko pehli martaba digital yellow card dikhaya gaya. Is match mein Nacional ne 0-3 se kamyabi hasil ki.
Match ke 12 wein minute mein referee Eduardo Varela ne Rentistas ke khilari Juan Pablo Plada ko foul par digital yellow card dikhaya. Kisi bhi Football match mein is Technology ke istemal ka yeh pehla tajurba tha.
Device kaise kaam karti hai
Report ke mutabiq yeh aala dekhne mein smartphone jaisa hai aur is par do button hain. Peela card dikhane ke liye pehla button dabaya jata hai, jis se screen peeli ho jati hai, jabke surkh card ke liye doosra button istemal hota hai, jis se screen surkh ho jati hai.
Device ka maqsad sirf card dikhana nahin balke match ke waqiat ka record khudkar tor par mehfooz karna bhi hai. Is mein khilariyon ko milne wale cards, goal, mutabadil khilariyon ki tabdeeli aur deegar aham waqiat darj kiye ja sakte hain.
Yeh device Uruguay Football Association ke digital match management system tak data muntaqil karne ke liye tayyar ki gayi hai, taake referees ko notebook mein faislay likhne aur baad mein computer par darj karne ki zaroorat kam pade. Yeh device WiFi ke baghair bhi kaam kar sakti hai.
Ibtidai masail
Report ke mutabiq ibtidai tajurbe mein stadium ke tamashaiyon aur TV par match dekhne walon ko screen ke rang wazeh tor par pehchanne mein dushwari hui, jis se peele aur surkh card mein farq karna mushkil ho gaya.
Is se qabl bhi ek match mein is Technology ke tajurbe ka mansooba banaya gaya tha, lekin roshni ke namunasib halat mein screen wazeh nazar na aane ke baais ise mokhar kar diya gaya tha.
Device tayyar karne wali company screen ke kinaron par LED lights lagane samet deegar tabdeeliyon par ghaur kar rahi hai.
Mazeed parhen: Khel
Under 17 ODI: Pakistan ne Sri Lanka ko paanch wicketon se hara diya, series mein 1-2 ki bartari
Pakistan ki bowling aur fielding shandar rahi, jald wicketein ganwane se nuqsan hua: Harry Brook
England ke khilaf 320 runs ka hadaf zehn mein tha, fitness aur reflexes par kaam karna hoga: Hussain Talat
Islamabad mein doosri Asian Masters Weightlifting Championship ka aghaz, 21 mumalik ke 250 khilari shareek
Tri-series: Irfan Minhas ki 6 wicketein, Pakistan ne England ko 87 runs se hara diya
Lahore Qalandars ki Bangladesh Premier League mein shamooliyat mein dilchaspi, Samin Rana ki Tamim Iqbal se mulaqat
England Cricket team 21 saal baad Pakistan mein ODI series ke liye maidan mein, Rawalpindi match tawajjoh ka markaz
Zimbabwe ke khilaf match mein ghusse ka izhar, ICC ne Bharti women Cricketer Shafali Verma ki sarzanish kar di
Portugal football federation ne Cristiano Ronaldo par 30 roza pabandi aur 255 euro jurmana aid kar diya
Tri-Nation series: Slow over rate par Pakistan ko 10 aur Sri Lanka ko 5 feesad jurmana
Hyderabad Region Cricket Association ke intekhabat: Afzal Khalid sadr, Muhammad Muzammil secretary muntakhib
