Gwadar mein 235 million rupay se tameer District Election Commissioner complex ka iftetah
Gwadar: Member Election Commission Balochistan Shah Muhammad Jatoi ne kaha hai ke Gwadar mein qaim District Election Commissioner complex Balochistan mein Election Commission ki jadeed, khoobsurat aur dilkash imaratoon mein se aik hai, jis se shehriyon ko intikhabi khidmaat aur sahuliyat behtar aur munazzam mahol mein milen gi.
Woh complex ki iftetahi taqreeb se khitab kar rahe the, jis mein Election Commissioner Balochistan Ali Asghar Sial, Regional Election Commissioner Makuran bamuqam Turbat Muhammad Baloch, intizami o police afsaran, civil society ke numainda’on aur ilaqai umaidin ne shirkat ki.
Shah Muhammad Jatoi ne kaha ke shaffaf, azadana aur munsifana intikhabat ke liye mazboot idarajati dhancha aur behtar awami sahuliyat nagozir hain, aur Election Commission Balochistan mukhtalif Azla mein jadeed complexes tameer kar ke intikhabi idaron ki istedad-e-kaar behtar bana raha hai. Gwadar complex intikhabi umoor ki anjam dehi, record ke tahaffuz aur shehriyon ko sahuliyat ki faraahmi ke liye mauzoon mahol faraham karega.
Communication and Works Department ke sub divisional officer Jonbad Kashani ne briefing mein bataya ke complex aik acre raqbay par 235 million rupay ki lagat se tameer kiya gaya hai. Mansooba federal PSDP 2023 ke tahat shuru hua aur 2026 mein muqarrara muddat ke andar mukammal kiya gaya.
Tasveer: bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
