Khitte mein aman ke liye maqami aur azad ilaqai security nizam nagozir hai: Irani speaker

Irani media reports ke mutabiq Mohammad Baqir Qalibaf ka kehna tha ke hamsaya mumalik ki janib se naye security intizamat aur maashi taawun ki tashkeel ke liye paighamat mausool hue hain.

Unhon ne kaha ke America ne apne ittehadiyon ki salamati ko shadeed khatre mein daal diya hai aur Israel ki khatir apne ittehadi mumalik ke mufadat ko nazarandaz kiya, American dabao ke baais ittehadi mumalik ne apni baqa ko khatre mein mehsoos kiya.

Dusri janib Irani speaker ka kehna tha ke khitte mein naya security nizam aur maashi taawun ilaqai mumalik ki apni koshishon se tashkeel pana chahiye.

Mohammad Baqir Qalibaf ka mazeed kehna tha ke khitte ke mumalik ko apni salamati aur maashi taawun ke liye azad aur maqami nizam tashkeel dene ki zarurat hai.