Ishaq Dar ki Kyrgyzstan ke ham mansab se mulaqat, dotarfa taluqat barhane par ittefaq
Tarjuman daftar-e-kharja ke mutabiq mulaqat wazir-e-azam Shehbaz Sharif ki Kyrgyz sadr se mulaqat se qabl Bishkek mein hui. Is mauqe par Ishaq Dar ne Kyrgyzstan ko Shanghai Cooperation Organisation (SCO) ki kamyab sadarat aur mauassar mezbani par mubarakbad pesh ki aur SCO ke agenda ko aage barhane mein Kyrgyz qiyadat ke kirdar ko saraha.
Wazir-e-kharja Ishaq Dar ne kaha ke Pakistan Kyrgyzstan ke sath dotarfa taluqat ko mazid mazboot banane ke liye purazm hai. Unhon ne dono mumalik ke darmiyan tijarat, sarmaya kari, tawanai aur ilaqai rawabit barhane par tawajjo dene ki zarurat par zor diya.
Mulaqat ke dauran ilaqai salamati aur awami rawabit ke farogh par bhi baat cheet hui. Dono wuzara-e-kharja ne ilaqai aur alami surat-e-haal ka jaiza lete hue bahmi dilchaspi ke mukhtalif umoor par tabadla-e-khayal kiya.
Kyrgyzstan ke wazir-e-kharja ne Pakistan ko Shanghai Cooperation Organisation ki 2026-27 ki sarbarahi sambhalne par mubarakbad di aur is umeed ka izhar kiya ke Pakistan SCO ke agenda ko mauassar andaz mein aage barhaye ga.
Kyrgyz wazir-e-kharja ne Pakistan ke sath qaribi aur dostana taluqat ko mazid wusat dene ki khwahish ka izhar bhi kiya. Dono wuzara-e-kharja ne SCO aur deegar kaseer-ul-jehati forums par qaribi rabta jari rakhne par ittefaq kiya.
Mulaqat ke ikhtitam par dono mumalik ne khitte mein aman, istehkam aur mushtarka khushhali ke farogh ke azm ka aada kiya.
Mazeed parhen: Pakistan
2027 ke liye gandum ki mujawwaza qeemat 4 hazar 500 rupay fi mann muqarrar
R4 ijlas: Saudi Arabia se yakjehti, Houthi hamlon ki muzammat
Afghanistan se Dehshatgardi Pakistan ke liye sabse bara masla: Daftar-e-Kharija
Wazir-e-azam Shehbaz Sharif ne 2027 ke liye gandum ki mujawwaza qeemat 4500 rupay fi mann muqarrar kar di
Sadr Zardari ka Gwadar mein dehshatgardon ka hamla nakam banane par security forces ko khiraj-e-tehseen
Pakistan aur Maldives ka do-tarfa tijarat 20 crore dollar tak barhane par ittefaq
Pak Iran sarhad ki bandish par zameeni maloomat nahin, zaireen ki aamad o raft jari: Dafter-e-Kharija
Gwadar mein security forces ki karwaiyan, khatoon samet 10 dehshatgard halak, ek shehri jaan-bahaq: ISPR
Shehbaz Sharif ki sadr Azad Kashmir se mulaqat, Kashmiri awam ki himayat jari rakhne ka azm
Ghair jamhoori nizam ke khilaf saf bandi karni hogi: Mahmood Khan Achakzai
Sanaullah ka intibah: Khyber Pakhtunkhwa operations mein abadi ne rasta na diya to nuqsan ka khadsha
