Iran ke UAE aur Jordan mein Amriki fauji adon, behri jahazon par jawabi hamle
Irani Pasdaran-e-Inqilab ne daawa kiya hai ke Amriki forces ki janib se Irani jazeere Larak par hamle ke jawab mein Jordan mein maujood 2 Amriki fauji adon ko ballistic missilon se nishana banaya gaya hai.
Irani sarkari media ke mutabiq Pasdaran-e-Inqilab ne Jordan mein King Hussein aur Al Azraq ke Amriki fauji adon ko missile hamlon ka hadaf banaya, Irani hukkam ne karrawai ko Larak jazeere par Amriki hamle ka jawab qarar diya hai.
Doosri janib Amriki zaraye ke mutabiq Iran se daaghe gaye taqriban tamam missilon ko fiza mein hi rok liya gaya aur ibtidai ittilaat ke mutabiq hamle mein koi bada nuqsan nahin hua, Amriki hukkam ke mutabiq Jordan mein maujood Amriki aur ittehadi difai nizam ne aane wale missilon ko nakaam banane mein kirdar ada kiya.
Yeh pishraft us waqt samne aayi jab Amriki forces ne Iran ke Larak jazeere par Pasdaran-e-Inqilab ke 2 rocket launchers ko nishana banaya, Amriki hukkam ka daawa hai ke Irani forces in launchers ke zariye Aabnaye Hormuz mein behri baroodi surangein bichhane ki tayyari kar rahi thi.
Irani Pasdaran-e-Inqilab ne Amriki hamle mein mutaddid Irani ahalkaron aur shehriyon ke shaheed hone aur zakhmi hone ka daawa kiya, taham in shahadaton ki hatmi tadad foran tor par samne nahin aayi.
Baadazan Irani fauj ne daawa kiya hai ke ek karrawai ke dauran UAE mein Al Minhad air base par Amriki helicopteron aur fauji ahalkaron ki maujoodgi ke maqam ko nishana banaya hai.
Irani fauj ke shobah-e-taalluqat-e-aamma ke mutabiq yeh hamle guzishta raat Amriki forces ki janib se Larak jazeere par kiye gaye hamle ke jawab mein kiye gaye.
Mazeed parhen: Pakistan
2027 ke liye gandum ki mujawwaza qeemat 4 hazar 500 rupay fi mann muqarrar
R4 ijlas: Saudi Arabia se yakjehti, Houthi hamlon ki muzammat
Afghanistan se Dehshatgardi Pakistan ke liye sabse bara masla: Daftar-e-Kharija
Wazir-e-azam Shehbaz Sharif ne 2027 ke liye gandum ki mujawwaza qeemat 4500 rupay fi mann muqarrar kar di
Sadr Zardari ka Gwadar mein dehshatgardon ka hamla nakam banane par security forces ko khiraj-e-tehseen
Pakistan aur Maldives ka do-tarfa tijarat 20 crore dollar tak barhane par ittefaq
Pak Iran sarhad ki bandish par zameeni maloomat nahin, zaireen ki aamad o raft jari: Dafter-e-Kharija
Gwadar mein security forces ki karwaiyan, khatoon samet 10 dehshatgard halak, ek shehri jaan-bahaq: ISPR
Shehbaz Sharif ki sadr Azad Kashmir se mulaqat, Kashmiri awam ki himayat jari rakhne ka azm
Ghair jamhoori nizam ke khilaf saf bandi karni hogi: Mahmood Khan Achakzai
Sanaullah ka intibah: Khyber Pakhtunkhwa operations mein abadi ne rasta na diya to nuqsan ka khadsha
