Hathiyaron ki mehdood range takneeki rukawat nahin balke policy hai: Irani general Muhammad Raza Naqdi

Tehran (Atemad Desk): Irani general Muhammad Raza Naqdi ne kaha hai ke Iran apne hathiyar mulki satah par tayyar karta hai aur un ki range mehdood rakhna kisi takneeki rukawat ka nateeja nahin balke aik policy faisla hai. Un ke baqaul range ka taayun mulki zaruriyat aur rahbar-e-inqilab ki hidayat ki roshni mein kiya jata hai.

Unhon ne kaha ke zarurat parne par hathiyaron ki taqat aur maar karne ki salahiyat mein izafa kiya ja sakta hai.

Strait of Hormuz ke baare mein general Naqdi ne daawa kiya ke strait band hai aur Irani musallah afwaj ka us par mukammal control hai. Un ke mutabiq is raste se smuggle hone wale tel ki miqdar bohat kam hai, taham chhote behri jahazon ke zariye tel tankers tak pohanchaya ja raha hai.

Unhon ne kaha ke Strait of Hormuz mein tel ki ghair qanooni muntaqli ke liye chattanen tor kar banaye gaye raste jald band kar diye jayenge aur is ki tayyariyan mukammal kar li gayi hain.