Film flop ho sakti hai, aurat nahin: Adakara Meera

Meera ne apne Instagram account par tasaveer ke saath nakami, kamyabi aur mushkil waqt mein saath dene wale logon se mutaliq mukhtalif paighamat share kiye.

Ek post mein adakara ne likha ke log unhein is liye flop kehte hain kyunke un ki film Psycho ne 100 crore ka business nahin kiya.

Meera ne kaha ke woh khud ko bahadur samajhti hain kyunke film ke baad un logon ke rawaiyon ka samna karne ke bawajood woh aage barhti rahin jo un ka saath chhor gaye, ek aur paigham mein adakara ne likha ke film flop ho sakti hai, aurat nahin.

Apni posts ke zariye Meera ne Showbiz industry mein bari box office kamai ko kamyabi ka hatmi miyar samajhne ke rujhan par bhi sawal uthaya.

Adakara ne apni film Psycho ki shooting ke dauran depression ka shikar hone ka inkishaf bhi kiya, film ki tijarati karkardagi ko apni shanakht banane ke bajaye woh apni zati jaddojehad aur mushkil halat mein sabit qadam rehne ko ahmiyat deti hain.

Wazeh rahe ke Meera taweel arse se Pakistani film industry se wabasta hain aur mukhtalif advar mein tanqeed aur peshawarana utar chadhao ke bawajood Showbiz mein apni sargarmiyan jari rakhe hue hain.