Aqwam-e-Muttahida ke Secretary General kal Pakistan pahunchenge, aham mulaqatein

Daura-e-Pakistan ke dauran Aqwam-e-Muttahida ke Secretary General Islamabad mein aala qayadat se mulaqatein karenge jin mein wazir-e-azam Muhammad Shehbaz Sharif, naib wazir-e-azam Muhammad Ishaq Dar aur sadr-e-mamlikat Asif Ali Zardari shamil hain.

Is martaba bhi Aqwam-e-Muttahida ke Secretary General National Disaster Management Authority ka daura karenge jahan woh Sailab ke baad afaat se nimatne ki tayyari ka khud mushahida karenge.

2022 mein Pakistan ko shadeed Sailab ka samna karna pada tha jis ke baad Aqwam-e-Muttahida ke Secretary General ne Sailab se mutasira ilaqon ka daura kiya tha.

Islamabad mein Antonio Guterres Aqwam-e-Muttahida ke Military Observer Group in India and Pakistan ke headquarters ka bhi daura karenge.

UNMOGIP Bharat aur Pakistan mein Aqwam-e-Muttahida ke fauji mubasireen ka mission hai.

Aqwam-e-Muttahida ke maujooda Secretary General Antonio Guterres 1949 mein Portugal ke darul hukumat Lisbon mein paida hue, unhon ne engineering ki degree hasil ki, woh Portuguese, English, French aur Spanish zabanein rawani se bolte hain.