Surab mein ghair qanooni petroleum masnoaat ki farokht ke khilaf karrawai, 10 petrol pumps band

Surab: Hukumat-e-Balochistan aur Deputy Commissioner Surab Sahibzada Najeebullah ki khusoosi hidayat par zilai intezamia ne ghair qanooni o ghair mujaz petroleum masnoaat ki farokht ke khilaf karrawai karte hue shehar mein qaim 10 petrol pumps band kar diye.

Karrawai Additional Deputy Commissioner Surab Salman Ali Bulaidi aur Assistant Commissioner Surab Shay Akbar Ali Baloch ki qiyadat mein ki gayi, jis ke dauran petrol pumps ke ijazat namon aur mutaliqa dastawezat ki jaanch partal ki gayi.

Zilai intezamia ne wazeh kiya ke ghair qanooni petroleum masnoaat ki farokht ke khilaf karrawaiyan bila imtiaz jari rahengi aur awami tahaffuz aur qanoon ki amaldari har surat yaqeeni banayi jaye gi.

Tasveer: Bashukriya DGPR Balochistan