Sevi Sports Complex mein Jashn-e-Azadi Badminton Tournament ka aghaz, Dr Muhammad Jamal Marri mehman-e-khusoosi

Sevi: Jashn-e-Azadi 14 August Sports Festival 2026 ke silsile mein mahkama Khel Balochistan ke taawun o nigrani mein Sports Complex Sevi ke Badminton Hall mein Badminton Tournament ka aghaz guzishta shab hua.

Iftitahi matches ke mehman-e-khusoosi sarparast-e-aala District Hockey Association Sevi aur retired Director General Livestock Balochistan Al-Haj Dr Muhammad Jamal Marri the. Is mauqe par Deputy Director Sports Sevi Division Rahim Bakhsh Joiya, District Sports Officer Sevi Babar Ali Silachi aur deegar sports shakhsiyat maujood thin.

Iftitahi marhale mein juniors aur seniors ke darmiyan dilchasp muqable hue. Shurka ne mahkama Khel ki janib se Jashn-e-Azadi par khelon ke muqablon ko sarahte hue kaha ke aisi sargarmiyon se naujawanon ko salahiyaton ke izhar ka mauqa milta hai aur Sehat mand muashre ko farogh milta hai. Festival ke tahat mukhtalif khelon ke muqable jari hain.

Tasveer: bashukriya DGPR Balochistan