Sevi mein Polio muhim 2 se 5 November tak, Deputy Commissioner Major (r) Ilyas Kabzai ki sadarat mein tayyarion ka ijlas

Sevi: Deputy Commissioner Sevi Major (r) Ilyas Kabzai ki sadarat mein aainda Polio muhim ke intezamat aur tayyarion ke hawale se ijlas munaqid hua, jis mein Assistant Commissioner Mir Bahadur Khan Bangulzai, District Health Officer Dr Qadir Haroon aur alami idara-e-Sehat (WHO) ke coordinator sameet deegar zilai afsaran aur mutaliqa hukkam ne shirkat ki.

Ijlas mein Polio muhim ke intezamat, teemon ki tayyarion aur muhim ko muassir andaz mein kamyab banane ke hawale se umoor zer-e-ghaur aaye. Is mauqe par bataya gaya ke Polio muhim 2 November se 5 November 2026 tak jari rahegi.

Deputy Commissioner ne hidayat ki ke muhim ke dauran paanch saal tak ki umar ke tamam bachchon ko Polio se bachao ke qatre pilane ke liye muassir iqdamat kiye jayen, jabke muhim ki kamyabi ke liye tamam mutaliqa idare baahmi rabte aur taawun ko yakeeni banayen. Unhon ne is azm ka izhar kiya ke bachchon ko umar bhar ki maazoori se mehfooz rakhne ke liye Polio ke khatme ki koshishon ko mazeed muassir banaya jayega.

Tasveer: Bashukriya DG PR Balochistan