Rakhni: Wazir-e-azam Relief Scheme ke banners na lagane wale petrol pumps ko Assistant Commissioner ki sakht warning

Barkhan/Rakhni: Deputy Commissioner Barkhan Saeedur Rehman Kakar ki hidayat par Assistant Commissioner Rakhni Fahad Hussain Umrani ne mukhtalif petrol pumps ka daura kiya aur Wazir-e-azam Relief Scheme se mutaliq awami agahi banners aweezan na karne wale petrol pumps malikan ko sakht warning jari ki.

Unhon ne hidayat ki ke scheme se mutaliq banners numayan maqamat par fori aweezan kiye jayen taake awam scheme aur is ke tareeqa-e-kar se agah ho saken. Unhon ne wazeh kiya ke amal-daramad na karne wale petrol pumps ke khilaf qanooni karrawai hogi aur khilaf-warzi par pump seal bhi kiya ja sakta hai.

Tasveer: Bashukriya DG PR Balochistan