Rakhni mein model bazar ke liye Samand Khan Street Tajawuzat se paak, arazi C&W ke hawale

Rakhni: Deputy Commissioner Barkhan Saeed ur Rehman Kakar ki hidayat par Assistant Commissioner Rakhni Fahad Hussain Umrani ki nigrani mein zilai intizamia ne model bazar Rakhni ke qayam ke liye Samand Khan Street mein ghair qanooni Tajawuzat ke khilaf karrawai karte hue ilaqe ko mukammal tor par clear kar diya.

Wagzar karayi gayi arazi mehkama C&W ke hawale kar di gayi hai aur model bazar ke taraqqiyati kaam ka aghaz ho gaya hai jo tezi se jari hai.

Zilai intizamia ke mutabiq mansube ki barwaqt takmeel ke liye tamam zaroori iqdamat kiye ja rahe hain, aur is ki takmeel se ilaqe mein ek munazzam aur jadeed tijarati markaz qayam hoga.

Tasveer: Bashukriya DG PR Balochistan