Qila Saifullah mein Polio SNID ki tayyariyon par Deputy Commissioner Sagar Kumar ki zer-e-sadarat ijlas

Qila Saifullah: Polio ke aainda Sub National Immunization Days (SNID) ki tayyariyon ke hawale se aham ijlas Deputy Commissioner Sagar Kumar ki zer-e-sadarat munaqid hua, jis mein DHO Waheed ur Rehman Kakar, WHO District Head Ali Muhammad, Polio Officer Raziq Shwani, Treasury Officer Aurangzeb Mandokhel, Haroon sahib aur DSP Zarif Khan ne shirkat ki.

Ijlas mein aainda muhim ke intizamat, Polio teamon ki barwaqt tainaati, security intizamat, awami aagahi aur idaron ke darmiyan moassir rabta kari ka tafseeli jaiza liya gaya.

Deputy Commissioner ne hidayat ki ke muhim ki kamyabi ke liye tamam intizamat barwaqt mukammal kiye jayen aur paanch saal se kam umar tamam bachchon ko Polio ke qatray pilana yaqeeni banaya jaye. Shurka ne Polio ke khatme ke liye bharpoor taawun ke azm ka izhar kiya.

Tasveer: Bashukriya DG PR Balochistan