Pehli sehmahi mein bairooni qarzon mein 200 feesad izafa, hukumat ne 5.45 arab dollar qarz liya
Islamabad: Wafaqi hukumat ke qarzon ke aadad o shumar samne aa gaye hain. Dastavez ke mutabiq rawan maali saal ke pehle 3 maah mein bairooni qarzon mein 200 feesad izafa hua hai.
July ta September 5 arab 44 crore 96 lakh dollar ka bairooni qarza liya gaya, jo guzishta maali saal ki isi muddat ke muqable mein 3 arab 63 crore dollar zyada hai. Pakistan ne guzishta maali saal ki pehli sehmahi mein 1.81 arab dollar bairooni qarza liya tha.
Iqtisadi umoor division ke mutabiq Pakistan ne alami bonds ke zariye 2.94 arab dollar qarza liya. Naya Pakistan certificate ki mad mein 94 crore 27 lakh dollar bairooni qarz mila, jabke bairooni commercial banks se 30 crore dollar qarz hasil kiya gaya.
Zer-e-jaiza arse ke dauran alami idaron se 89 crore 41 lakh dollar aur mukhtalif mumalik se 5 crore 81 lakh dollar mile. Alami bank ne 35 crore 90 lakh dollar aur ADB ne 15 crore 35 lakh dollar qarz diya.
Dastavez ke mutabiq pehle teen maah mein 1 hazar 515 arab rupay ke musawi bairooni qarz liya gaya, aur guzishta maali saal ke muqable mein aik hazar arab rupay se zyada izafi qarza mila.
Iqtisadi umoor division ke mutabiq bairooni qarze mein 1 hazar 260 arab rupay se zaid ka non project loan shamil hai, jabke mukhtalif mansoobon ke liye project loan ki mad mein 254 arab 80 crore rupay mile.
Haftawar Mehngai mein 0.65 fisad izafa, salana sharah 11.85 fisad ho gayi
Pakistan ki bairooni maliyati position kamzor hone ka khadsha, IMF ki tanbeeh
PSX mein mandi, KSE-100 index 1,550 points gir kar 162,375 par band
IMF ki pesh goi: khitte ki maeeshat is saal 1.3 feesad sikdegi, 2027 mein 6.6 feesad numo
Russia par pabandiyon mein narmi ke baad tel sasta, Brent 107 dollar ke qareeb
Lahore mein naan ki qeemat 5 rupay barh kar 35 rupay ho gayi, roti 20 rupay par barqarar
Khaleeji kashidagi ke paish-e-nazar monetary policy mein sharah-e-sood na barhai jaye: Faisal Moiz Khan
State Bank ki monetary policy committee ka ijlas 26 October ko, sharh-e-sood mein izafe ka imkan
Karachi mein 20 kilo aate ka thaila 3540 rupay ka, mulk bhar mein sab se mehnga
Petrol 88 paise aur High Speed Diesel 53 paise fi litre mehnga, nayi qeematein 21 October se nafiz
Mausam sarma mein gas ki talab poori karne ke liye hukumat ka darameedi LNG ke 18 cargoes khareedne ka faisla
