Kalat ki tareekh mein pehli baar khawateen ki Khuli Kachehri, Deputy Commissioner Aisha Zehri ne shikayat par ehkamat jari kiye
Kalat: Tareekhi shehr Kalat ki tareekh mein pehli martaba Chief Minister Balochistan Sarfraz Bugti aur Chief Secretary Balochistan Shakeel Qadir Khan ke ehkamat ki roshni mein khawateen ke liye khusoosi Khuli Kachehri munaqid ki gayi.
Deputy Commissioner Kalat Engineer Aisha Zehri ne Khuli Kachehri se khitab mein kaha ke is ka maqsad khawateen ke masail hal karna, un ki shikayat ka izala karna aur unhein baizzat tareeqe se apni awaz mutaliqa hukkam tak pahunchane ka mauqa dena hai. Unhon ne kaha ke khawateen muashre ka aham hissa hain aur un ke huqooq ka tahaffuz, falah-o-behbood aur masail ka barwaqt hal zilai intizamiya ki tarjeehat mein shamil hai.
Unhon ne khawateen se kaha ke woh bila jhijhak apni shikayat pesh karein, intizamiya un ke hal ke liye tamam mumkina iqdamat karegi aur taleem, sehat, rozgar aur deegar bunyadi sahuliyat ke liye mutaliqa mehkamon ke sath mil kar moassir iqdamat kiye jayenge. Unhon ne yaqeen dilaya ke khawateen ke liye khusoosi Khuli Kachehriyon ka silsila jari rahega.
Khawateen ki shikayat
Khawateen ne jo masail pesh kiye un mein dastkari markaz Khail ki trainee talibat ke do saal se band wazaif, Baitul Maal ke tahat chalne wale dastkari markaz ke liye imarat, talibat ko laptop aur hunarmand khawateen ko silai machinon ki faraahmi, Sattar Nichari ke qatilon ki adam giraftari, sarkari mulazmaton mein khawateen ke kotay mein izafa, Rahim Abad Koing mein peene ka pani, Kalat Killi Pandrani ki water supply ke liye inverter, mohalla Sheesha Dughar mein barish ke sailabi pani se mushkilat aur taweel load shedding se talba o talibat ki parhai mein khalal shamil the.
Deputy Commissioner Aisha Zehri ne shikayat ghaur se suneen aur baaz masail ke fori hal ke liye mutaliqa mehkamon ko ehkamat jari kiye. Khuli Kachehri mein SP Kalat Syed Zahid Hussain Shah, District Officer Education (Female) Farzana Ahmedzai, Giawan and Crafts Balochistan ki CEO Shazia Akbar Zehri, mukhtalif sarkari mehkamon ke sarbarahan aur Kalat o Khalid Abad ki khawateen ki kaseer tadad ne shirkat ki.
Tasveer: Bashukriya DGPR Balochistan
Mazeed parhen: Balochistan
Turbat: Ghanah Mazari Kahan mein mutanaza arazi ke muamilat, Assistant Commissioner ka daura
Quetta Division: Commissioner Zeeshan Lashari ki sadarat mein Polio Task Force ka online jaiza ijlas
Rubaba Khan Bulaidi ki NAPA, BSCA aur NAVTTC hukkam se mulaqat, Naseerabad mein tarbiyat par ghaur
Chaman: District Education Officer ka Government Boys High School Mohalla Shehsawar ka achanak daura
Jafarabad: Deputy Commissioner Khalid Khan ki sadarat mein Aman o Aman ke teen ijlas
Usta Muhammad: Deputy Commissioner ki sadarat mein review ijlas, shikayat ke paidar hal ki hidayat
Naseerabad: 309 tube wellon ki solarization ka jaiza, transformer wapsi par notices ki hidayat
Usta Muhammad: District Education Group ke faislon par 26 ghair hazir ahalkar muattal, inquiry committee qayam
DEO Quetta ka Sarghargai Girls High School ka daura, science numaish ka muayena
Jafarabad: Deputy Commissioner Khalid Khan ka nikasi-e-ab ke zer-e-tameer nale ka muaina
Koh-e-Sulaiman Division ki tamam divisional aasamiyon ki manzoori, Sarfraz Bugti ka elaan
