Jiwani: 250 do bees panja mein karrawai, teen hotels aur 15 ghair qanooni depos seal, mumnoa adwiyat zabt

Jiwani: Deputy Commissioner Gwadar Naqeebullah Kakar ki hidayat par Assistant Commissioner Jiwani Tariq Imam Baloch ne do bees panja (250) ke daure ke mauqe par mukhtalif hotels, dukanon, medical stores aur clinics ka moayena kiya.

Zaid nirkhon par ashya ki farokht aur safai ke naqis intezamat par teen hotels seal karke jurmane aid kiye gaye, jabke zaid-ul-miyaad ashya aur non custom paid cigarettes qabze mein le liye gaye. Karrawai ke dauran 15 ghair qanooni depos bhi seal kiye gaye.

Assistant Commissioner ne medical stores aur clinics mein licenses, adwiyat ke record aur deegar qanooni taqazon ka jaiza liya, jahan se baramad hone wali mumnoa adwiyat qabze mein le kar zabt kar li gayin. Dukandaron, hotel malikan aur medical stores o clinics ke malikan ko muqarrara nirkhon ki pabandi, safai ke munasib intezamat aur tamam qanooni taqazon par sakhti se amalderamad ki hidayat ki gayi.

Intezamia ne wazeh kiya ke awam ko miyari ashya munasib nirkhon par aur mehfooz tibbi sahuliyat ki faraham ke liye qanoon ki khilaf warzi karne walon ke khilaf karrawaiyan bila imtiaz jari rahengi.

Tasveer: Bashukriya DGPR Balochistan