Irani speaker ka daawa: Supreme Leader Mojtaba Khamenei mukammal Sehat mand hain

Tehran: Irani parliament ke speaker Baqer Ghalibaf ne kaha hai ke Iran ke Supreme Leader Mojtaba Khamenei mukammal Sehat mand, purazm, purjosh aur purumeed hain, aur unhein mulk ke majmooi aur tafseeli mamlaat par mukammal girift hasil hai.

Parliament se khitab karte hue Baqer Ghalibaf ne bataya ke unhon ne Supreme Leader Mojtaba Khamenei se mulaqat ki, jis mein mulk ke maashi masail par khusoosi tawajjoh di gayi.

Unhon ne kaha ke Mojtaba Khamenei ne mulki maishat ke aham ishariyon ke jaize mein ghalat andazon se gurez karne par zor diya.

Un ke mutabiq Supreme Leader ne paidawari supply chain ko mehfooz banane, ashiya-e-khurd o nosh ki faraahmi yaqeeni banane, awam ki qowwat-e-khareed barqarar rakhne aur mahaz par maujood musallah afwaj ki maashi zarooriyat poori karne ki hidayat bhi jari ki hain.