Hub: District Manager PPHI Dr Murshid Dashti ka BHU Behra aur Dam ka monitoring daura

Hub: Chief Minister Balochistan Mir Sarfraz Bugti ke vision ke mutabiq shehriyon ko Sehat ki sahuliyat unki dehleez tak pahunchane ke silsile mein District Manager PPHI Dr Murshid Dashti ne BHU Behra aur BHU Dam ka monitoring daura kiya aur bunyadi marakiz-e-Sehat ki mamool ki sargarmiyon, amle ki hazri aur awam ko faraham ki jane wali tibbi sahuliyat ka jaiza liya.

Unhon ne adwiyat ke stock, cold chain, service delivery, data ke miyar aur amle ki karkardagi ka muayana kiya aur tibbi amle ko khidmat mazeed behtar banane ke liye rahnumai faraham ki. Dr Murshid Dashti ne marakiz mein darpesh masail ki nishandehi karte hue moqa par hi un ke hal ke liye hidayat jari kin.

Unhon ne kaha ke awam ko miyari aur barwaqt tibbi sahuliyat ki faraahmi, bunyadi marakiz-e-Sehat ki moassir faaliyat aur service delivery mein behtri awwaleen tarjihat mein shamil hain.

Tasveer: Bashukriya DGPR Balochistan