Gwadar mein Mahigeeron ki boats rally: 100 kishtiyan sabz hilali parchamon ke sath samundar mein

Atemad News Desk, Gwadar 14 August 2026, 6:00 seh pahar · 1 minute mein parhen

Gwadar: 79ween Youm-e-Azadi ke mauqe par Gwadar ke Mahigeeron aur shehriyon ne watan-e-azeez se walihana mohabbat, qaumi yakjehti aur hubb-ul-watni ke izhar ke liye samundar mein shandar boats rally nikali. Rally mein taqriban 100 kishtiyon ne shirkat ki, jinhen qaumi aur sabz hilali parchamon se sajaya gaya tha.

Boats rally ka aaghaz Gwadar jetty se hua aur kishtiyon ka qafila samundar mein taqriban 2 nautical mile tak gaya. Mahigeeron aur shehriyon ne qaumi parcham lehrate hue Pakistan se apni wabastagi ka izhar kiya.

Rally ke zariye Gwadar ki Mahigeer biradari ne azm zahir kiya ke woh mulk ki taraqqi, khushhali aur istehkam mein bharpoor kirdar ada karti rahegi. Sahil par munaqida yeh munfarid sargarmi Youm-e-Azadi ki taqribat ka numayan hissa bani aur is ne yeh paigham diya ke Gwadar ke sahil se samundar ki wusaton tak Pakistan ka sabz hilali parcham qaumi ittehad, aman aur taraqqi ki alamat hai.

Gwadar: 79ween Youm-e-Azadi ke mauqe par Mahigeeron ki jaanib se boats rally nikali ja rahi hai

Gwadar: Gwadar ke bachche aur bachiyan 79ween Youm-e-Azadi josh o jazbe ke sath mana rahe hain

Tasveer: bashukriya DGPR Balochistan

Mauzuaat:Gwadar Mahigeer Youm-e-Azadi

Mazeed parhen: Balochistan

Turbat: Ghanah Mazari Kahan mein mutanaza arazi ke muamilat, Assistant Commissioner ka daura

Quetta Division: Commissioner Zeeshan Lashari ki sadarat mein Polio Task Force ka online jaiza ijlas

Rubaba Khan Bulaidi ki NAPA, BSCA aur NAVTTC hukkam se mulaqat, Naseerabad mein tarbiyat par ghaur

Chaman: District Education Officer ka Government Boys High School Mohalla Shehsawar ka achanak daura

Jafarabad: Deputy Commissioner Khalid Khan ki sadarat mein Aman o Aman ke teen ijlas

Usta Muhammad: Deputy Commissioner ki sadarat mein review ijlas, shikayat ke paidar hal ki hidayat

Naseerabad: 309 tube wellon ki solarization ka jaiza, transformer wapsi par notices ki hidayat

Usta Muhammad: District Education Group ke faislon par 26 ghair hazir ahalkar muattal, inquiry committee qayam

DEO Quetta ka Sarghargai Girls High School ka daura, science numaish ka muayena

Jafarabad: Deputy Commissioner Khalid Khan ka nikasi-e-ab ke zer-e-tameer nale ka muaina

Koh-e-Sulaiman Division ki tamam divisional aasamiyon ki manzoori, Sarfraz Bugti ka elaan

Lahore: Balochistan Board of Investment aur Roshan Packages ke darmiyan mufahimati yaddasht par dastakhat