Gwadar mein mahi geeri ki kashtiyon ki registration, paimaish aur licensing ka amal tez

Gwadar: Director General Balochistan Fisheries Atiq Ullah Khan ki hidayat par soobai hukumat ki mahi geeron ki falah o behbood aur mahi geeri ke shobe ko munazzam o qanooni bunyadon par farogh dene ki policy ke tahat Gwadar mein mahi geeri ki kashtiyon ki registration, paimaish, inspection aur license ke ijra ka amal tezi se jari hai.

Yeh karrawaiyan Assistant Director Fisheries Gwadar Shah Fahad ki nigrani mein Gwadar Fisheries Station ki field teams anjaam de rahi hain. Kashtiyon ki paimaish, sakht, dastawezat aur record ki janch ke baad ahl kashtiyon ko registration number allot kiye ja rahe hain aur zawabit ke mutabiq mahi geeri ke license jari kiye ja rahe hain.

Fisheries Department ke mutabiq kashti ke size ke taayun ke baad muqarrara charges wasool karke licensing ka amal mukammal kiya jaye ga. Mahi geeron se appeal ki gayi hai ke woh muqarrara muddat mein apni kashtiyon ki registration, paimaish aur inspection mukammal karayen taake shobha mazeed munazzam ho aur mahi geeron ke liye sahuliyat behtar banai ja saken.

Tasveer: Bashukriya DGPR Balochistan