Government Girls Higher Secondary School Kalat mein Youm-e-Difa ki taqreeb, Assistant Commissioner Asad Samalani mehman-e-khas

Kalat: 6 September Youm-e-Difa Pakistan ki munasibat se Government Girls Higher Secondary School Kalat mein zilai intizamiya aur mehkama Taleem ki janib se taqreeb munaqid hui. Mehman-e-khas Assistant Commissioner Kalat Asad Samalani the jabke sadarat District Education Officer Nisar Ahmed Noorzai ne ki.

Azazi mehmanon mein Principal Post Graduate College Professor Shakeel Baloch, DEO Male Sanaullah Sana aur Head Mistress Girls Higher Secondary School Yasmeen Shahwani shamil the. Mukhtalif schoolon aur colleges ke talba o talibat ne naat, taqarir, tableau aur milli naghme pesh kiye.

Assistant Commissioner Asad Samalani aur Nisar Ahmed Noorzai ne kaha ke isi din Pak Army aur awam ne muttahid ho kar Hindustani hamle ka munh tod jawab diya, aaj bhi awam apni afwaj ke shana bashana khare hain aur mulki salamti ke liye kisi qurbani se dareegh nahin karenge. Taqreeb mein hissa lene wale talba mein zilai intizamiya ki janib se naqd inamat taqseem kiye gaye aur ikhtitam mulki khushhali o salamat ki dua se hua.

Tasveer: Bashukriya DGPR Balochistan