Deputy Commissioner Musakhel Abdul Razzaq Khajak ka DHQ hospital ka daura, blood bank aur operation theatre ke kaam ka muayena

Musakhel: Deputy Commissioner Musakhel Abdul Razzaq Khajak ne District Headquarter hospital ka daura kiya, jahan unhon ne Balochistan Special Development Initiative ke tahat jari taraqqiyati mansubon, blood bank aur operation theatre ke tameeraati kaam ka tafseeli muayena kiya.

Medical Superintendent DHQ hospital Dr Nadir ne Deputy Commissioner ko mansube ki ab tak ki pesh raft aur kaam ke miyar ke baare mein tafseeli briefing di.

Deputy Commissioner ne hidayat ki ke taraqqiyati kaamon mein shaffafiyat aur aala miyar har soorat yaqeeni banaya jaye taake awam ko jald behtar tibbi sahuliyat muyassar aa saken, aur mutaalliqa hukkam ko kaam ki raftar mazeed tez karne ki hidayat bhi ki.

Tasveer: Bashukriya DG PR Balochistan