Deputy Commissioner Duki Fazal ur Rehman Kabdani ka BSDI mansoobon ka daura, Xen Building ki karkardagi ki tareef

Duki: Deputy Commissioner Duki Fazal ur Rehman Kabdani ne Balochistan Special Development Initiative (BSDI) programme ke tehat zila mein jaari mukhtalif tarqiyati mansoobon ka daura kiya aur tameerati kaamon ki raftar, meyar aur pesh-raft ka jaiza liya.

Is mauqe par Deputy Commissioner ne mansoobon par kaam ka meyar barqarar rakhne aur tameerati sargarmiyon ki muassir nigrani yaqeeni banane par Xen Building Jaffar Khan Zarkoon ki karkardagi ko saraha.

Unhon ne kaha ke tarqiyati mansoobon ki kamyabi ke liye tameerati kaamon ki baqaida nigrani zaroori hai. Unhon ne hidayat ki ke tamam mansoobon par kaam manzoor shuda design, muqarrara meyar aur takneeki taqazon ke mutabiq mukammal kiya jaye, meyari material ka istemal yaqeeni banaya jaye aur takmeel mein ghair zaroori takheer se gurez kiya jaye.

Fazal ur Rehman Kabdani ne kaha ke tarqiyati mansoobon ka maqsad awam ko behtar bunyadi sahuliyat faraham karna aur zila mein tameer-o-tarqi ke amal ko aage barhana hai, is liye mutalliqa mahkame mansoobon ki musalsal nigrani karte hue un ki barwaqt aur meyari takmeel yaqeeni banayen.

Tasveer: Bashukriya DGPR Balochistan