Deputy Commissioner Qila Abdullah Munawar Hussain Maghsi ki zer-e-sadarat District Health Committee ka ijlas, tibbi sahuliyat ka jaiza

Qila Abdullah: Deputy Commissioner Qila Abdullah Munawar Hussain Maghsi ki zer-e-sadarat District Health Committee (DHC) ka ijlas munaqid hua, jis mein zila bhar mein Sehat ke shobe ki karkardagi, sarkari hospitalon, bunyadi marakiz-e-sehat (BHUs), Rural Health Centers (RHCs) aur PPHI ke zer-e-intizam marakiz mein tibbi sahuliyat, adviyat ki dastiyabi, tibbi amle ki hazri aur deegar umoor ka jaiza liya gaya.

Ijlas mein District Health Officer Dr Abdul Salam Khosa, MS DHQ hospital Dr Abdul Ghaffar Kakar, PPHI ke District Manager Ziaur Rehman aur deegar mutaliqa afsaran ne shirkat ki.

Deputy Commissioner Munawar Hussain Maghsi ne hidayat ki ke tamam Sehat marakiz mein miyari tibbi sahuliyat, adviyat ki dastiyabi, tibbi amle ki hazri, safai ke muassir intizamat aur mareezon ke sath khush akhlaqi ko har soorat yaqeeni banaya jaye taake awam ko barwaqt aur behtar tibbi khidmat faraham ki ja sakein.

Tasweer: Bashukriya DG PR Balochistan