Saqi Nama

Allama Muhammad Iqbal · Bal-e-Jibril

Pas manzar

Farsi aur Urdu shayari mein «Saqi Nama» ek purani sinf hai, jis mein shayar saqi se sharab maangta hai. Iqbal ke haan yeh sharab ishq, yaqeen aur khudi ki hai. Masnavi ki soorat mein likhi gayi yeh taweel nazm «Bal-e-Jibril» (1935) mein shamil hai¹²³. Pahari wadi mein bahar ke manzar se shuru ho kar yeh ummat ke haal par dukh aur phir zindagi aur khudi ke falsafe tak pahunchti hai. «Lada de mamole ko shahbaz se» isi nazm ka misra hai.

Kalam

Hua khaima zan karwan-e-baharIram ban gaya daman-e-kohsar

Gul o nargis o sosan o nastaranShaheed-e-azal lala khoonin kafan

Jahan chhup gaya parda-e-rang meinLahu ki hai gardish rag-e-sang mein

Faza neeli neeli hawa mein sururThehrte nahin ashiyan mein tuyoor

Woh joo-e-kohistan uchakti huiAtakti lachakti sarakti hui

Uchhalti phisalti sambhalti huiBare pech kha kar nikalti hui

Ruke jab to sil cheer deti hai yehPahadon ke dil cheer deti hai yeh

Zara dekh ae saqi-e-lala faamSunati hai yeh zindagi ka payam

Pila de mujhe woh mai-e-parda sozKe aati nahin fasl-e-gul roz roz

Woh mai jis se roshan zameer-e-hayatWoh mai jis se hai masti-e-kainat

Woh mai jis mein hai soz o saz-e-azalWoh mai jis se khulta hai raz-e-azal

Utha saqiya parda is raz seLada de mamole ko shahbaz se

Zamane ke andaz badle gayeNaya raag hai saz badle gaye

Hua is tarah fash raz-e-farangKe hairat mein hai sheesha baz-e-farang

Purani Siyasat gari khwar haiZameen mir o sultan se bezar hai

Gaya daur sarmaya dari gayaTamasha dikha kar madari gaya

Giran khwab cheeni sambhalne lageHimala ke chashme ubalne lage

Dil-e-Toor-e-Sina o Faran do neemTajalli ka phir muntazir hai Kaleem

Musalman hai tauheed mein garm joshMagar dil abhi tak hai zunnar posh

Tamaddun tasawwuf shariat KalamButan-e-ajam ke pujari tamam

Haqeeqat kharafat mein kho gayiYeh ummat rawayat mein kho gayi

Lubhata hai dil ko kalam-e-khateebMagar lazzat-e-shauq se be naseeb

Bayan is ka mantiq se suljha huaLughat ke bakhedon mein uljha hua

Woh sufi ke tha khidmat-e-haq mein mardMohabbat mein yakta hamiyyat mein fard

Ajam ke khayalat mein kho gayaYeh salik maqamat mein kho gaya

Bujhi ishq ki aag andher haiMusalman nahin rakh ka dher hai

Sharab-e-kuhan phir pila saqiyaWohi jam gardish mein la saqiya

Mujhe ishq ke par laga kar uraMeri khak jugnu bana kar ura

Khirad ko ghulami se azad karJawanon ko peeron ka ustad kar

Hari shakh-e-millat tere nam se haiNafas is badan mein tere dam se hai

Tarapne pharakne ki taufeeq deDil-e-Murtaza soz-e-Siddiq de

Jigar se wohi teer phir paar karTamanna ko seenon mein bedar kar

Tere asmanon ke taron ki khairZameenon ke shab zinda daron ki khair

Jawanon ko soz-e-jigar bakhsh deMera ishq meri nazar bakhsh de

Meri naao girdab se paar karYeh sabit hai to is ko sayyar kar

Bata mujh ko asrar-e-marg o hayatKe teri nigahon mein hai kainat

Mere deeda-e-tar ki bekhwabiyanMere dil ki poshida betabiyan

Mere nala-e-neem shab ka niyazMeri khalwat o anjuman ka gudaz

Umangen meri arzuen meriUmeeden meri justujuen meri

Meri fitrat aaina-e-rozgarGhazalan-e-afkar ka marghzar

Mera dil meri razm gah-e-hayatGumanon ke lashkar yaqeen ka sabat

Yehi kuch hai saqi mata-e-faqeerIsi se faqeeri mein hoon main ameer

Mere qafile mein luta de iseLuta de thikane laga de ise

Dama dam rawan hai yam-e-zindagiHar ek shay se paida ram-e-zindagi

Isi se hui hai badan ki namoodKe shole mein poshida hai mauj-e-dood

Giran garche hai sohbat-e-ab o gilKhush aayi ise mehnat-e-ab o gil

Yeh sabit bhi hai aur sayyar bhiAnasir ke phandon se bezar bhi

Yeh wahdat hai kasrat mein har dam aseerMagar har kahin be chugoon be nazeer

Yeh alam yeh butkhana-e-shash jihatIsi ne tarasha hai yeh Somnat

Pasand is ko takrar ki khoo nahinKe tu main nahin aur main tu nahin

Man o tu se hai anjuman afreenMagar ain mehfil mein khalwat nasheen

Chamak is ki bijli mein tare mein haiYeh chandi mein sone mein pare mein hai

Isi ke biyaban isi ke baboolIsi ke hain kante isi ke hain phool

Kahin is ki taqat se kohsar choorKahin is ke phande mein Jibril o hoor

Kahin jurra shaheen seemab rangLahu se chakoron ke aloodah chang

Kabootar kahin ashiyane se doorPharakta hua jal mein nasabur

Fareb-e-nazar hai sukoon o sabatTarapta hai har zarra-e-kainat

Thehrta nahin karwan-e-wujoodKe har lehza hai taza shan-e-wujood

Samajhta hai tu raz hai zindagiFaqat zauq-e-parwaz hai zindagi

Bohat is ne dekhe hain past o bulandSafar is ko manzil se barh kar pasand

Safar zindagi ke liye barg o sazSafar hai haqeeqat hazar hai majaz

Ulajh kar suljhne mein lazzat iseTarapne pharakne mein rahat ise

Hua jab ise samna maut kaKathin tha bara thamna maut ka

Utar kar jahan-e-mukafat meinRahi zindagi maut ki ghat mein

Mazaq-e-dui se bani zauj zaujUthi dasht o kohsar se fauj fauj

Gul is shakh se tootte bhi raheIsi shakh se phootte bhi rahe

Samajhte hain nadan ise be sabatUbharta hai mit mit ke naqsh-e-hayat

Bari tez jolan bari zood rasAzal se abad tak ram-e-yak nafas

Zamana ke zanjeer-e-ayyam haiDamon ke ulat pher ka nam hai

Yeh mauj-e-nafas kya hai talwar haiKhudi kya hai talwar ki dhar hai

Khudi kya hai raz-e-daroon-e-hayatKhudi kya hai bedari-e-kainat

Khudi jalwa badmast o khalwat pasandSamandar hai ek boond pani mein band

Andhere ujale mein hai tabnakMan o tu mein paida man o tu se pak

Azal is ke pechhe abad samneNa had is ke pechhe na had samne

Zamane ke darya mein behti huiSitam is ki maujon ke sehti hui

Tajassus ki rahen badalti huiDama dam nigahen badalti hui

Subuk is ke hathon mein sang-e-giranPahar is ki zarbon se reg-e-rawan

Safar is ka anjam o aghaz haiYehi is ki taqweem ka raz hai

Kiran chand mein hai sharar sang meinYeh be rang hai doob kar rang mein

Ise wasta kya kam o besh seNasheb o faraz o pas o pesh se

Azal se hai yeh kashmakash mein aseerHui khak-e-Adam mein soorat pazeer

Khudi ka nasheman tere dil mein haiFalak jis tarah aankh ke til mein hai

Khudi ke nigahban ko hai zahr-e-nabWoh naan jis se jati rahe is ki aab

Wohi naan hai is ke liye arjumandRahe jis se dunya mein gardan buland

Khudi faal-e-Mahmood se dargazarKhudi par nigah rakh Ayazi na kar

Wohi sajda hai layaq-e-ehtimamKe ho jis se har sajda tujh par haram

Yeh alam yeh hangama-e-rang o sautYeh alam ke hai zer-e-farman-e-maut

Yeh alam yeh butkhana-e-chashm o goshJahan zindagi hai faqat khurd o nosh

Khudi ki yeh hai manzil-e-awwaleenMusafir yeh tera nasheman nahin

Teri aag is khak daan se nahinJahan tujh se hai tu jahan se nahin

Barhe ja yeh koh-e-giran tor karTilism-e-zaman o makan tor kar

Khudi sher-e-Maula jahan is ka saidZameen is ki said aasman is ka said

Jahan aur bhi hain abhi be namoodKe khali nahin hai zameer-e-wujood

Har ek muntazir teri yalghar kaTeri shokhi-e-fikr o kirdar ka

Yeh hai maqsad-e-gardish-e-rozgarKe teri khudi tujh pe ho ashkar

Tu hai fateh-e-alam-e-khoob o zishtTujhe kya bataun teri sar nawisht

Haqeeqat pe hai jama-e-harf tangHaqeeqat hai aaina-e-guftar zang

Farozan hai seene mein shama-e-nafasMagar tab-e-guftar kehti hai bas

Agar yak sar-e-moo bartar paramFarogh-e-tajalli basozad param

Mushkil alfaz

• Khaima zan: Khaima lagane wala, dera dalne wala
• Iram: Jannat ka bagh
• Daman-e-kohsar: Pahar ka daman
• Sosan o nastaran: Do phoolon ke naam
• Shaheed-e-azal: Azal se shaheed, yaani lale ka phool jis ka rang khoon jaisa hai
• Tuyoor: Parinde
• Joo-e-kohistan: Pahari nadi
• Sil: Pathar ki sil, chattan
• Saqi-e-lala faam: Lale ke rang wala saqi
• Mai-e-parda soz: Parde jala dene wali sharab, yaani haqeeqat khol dene wala jazba
• Mamole: Ek nanha parinda
• Shahbaz: Baz, shikari parinda
• Sheesha baz-e-farang: Europe ka shobda baz
• Mir o sultan: Ameer aur badshah
• Giran khwab: Gehri neend wale
• Kaleem: Hazrat Musa
• Zunnar posh: Zunnar pehne hue, yaani dil mein but rakhne wala
• Kharafat: Be hooda baatein
• Khateeb: Taqreer karne wala, waiz
• Hamiyyat: Ghairat
• Salik: Rah-e-tariqat par chalne wala
• Sharab-e-kuhan: Purani sharab, yaani purana jazba
• Peeron: Buzurgon, boorhon
• Dil-e-Murtaza, soz-e-Siddiq: Hazrat Ali ka dil aur Hazrat Abu Bakr Siddiq ka soz
• Shab zinda dar: Raat bhar ibadat karne wale
• Girdab: Bhanwar
• Sayyar: Chalne phirne wala
• Marghzar: Sabza zar, charagah
• Ghazalan-e-afkar: Khayalat ke hiran
• Dama dam: Lagatar
• Yam-e-zindagi: Zindagi ka samandar
• Ram-e-zindagi: Zindagi ki daur
• Ab o gil: Pani aur mitti, yaani jism aur maddi dunya
• Be chugoon: Be misal, jis ki kaifiyat bayan na ho sake
• Shash jihat: Chhe simten, yaani sari dunya
• Somnat: Ek mashhoor mandir; yahan butkhana
• Jurra: Nar baz
• Chakor: Ek pahari parinda
• Chang: Panja
• Faal-e-Mahmood: Mahmood (Ghaznavi) ki faal, yaani badshahi ki arzoo
• Ayazi: Ayaz jaisi ghulami
• Sar-e-moo: Baal barabar
• Farogh-e-tajalli: Jalwe ki roshni